{"type":"doc","content":[{"type":"paragraph","content":[{"type":"text","marks":[{"type":"bold"},{"type":"italic"}],"text":"Peykerê Alexandros Sako yê bi navê \"Dayika Berfo\""}]},{"type":"paragraph","content":[{"type":"text","text":"Peyker, rûyê jinekê nîşan dide ku Dayika Berfo temsîl dike. Gelek fîgurên mirovan li ser wê hatine xêzkirin. Peykersaz Sako bersiv da pirsên "},{"type":"text","marks":[{"type":"link","attrs":{"href":"http://www.maraskurtleri.com","target":"_blank","rel":"noopener noreferrer nofollow","class":null,"title":null}}],"text":"www.maraskurtleri.com ê."},{"type":"text","text":" Sako li ser çîroka afirandina peykerê wiha axivî:"}]},{"type":"paragraph","content":[{"type":"text","marks":[{"type":"italic"}],"text":"“Li Qibrisê jî Malbatên Windayan hene. Wek hûn jî dizanin di vê mijarê de min gelek peyker çêkiriye."}]},{"type":"paragraph","content":[{"type":"text","marks":[{"type":"italic"}],"text":"Dema ku min li çîroka Dayika Berfo guhdarî kir, di dilê xwe de min kêmasiyek hîs kir. Gelê min jî heman çarenûsa Yewnaniyên Qibrisê jiyan kiriye. Dewleta Tirk gelek mirovên Kurd winda kiriye."}]},{"type":"paragraph","content":[{"type":"text","marks":[{"type":"italic"}],"text":"Min tu carî peykerek li ser Kurdên winda çênekiriye. Beriya du hefteyan ez ketim nava hîsekî wisa û min dest bi çêkirina peykera Dayika Berfo kir."}]},{"type":"paragraph","content":[{"type":"text","marks":[{"type":"italic"}],"text":"Ez di nava hefteyê de wekî mekanîka erebeyan dixebitim. Piştî kar ez dihatim mal û ji bo Dayika Berfo li ser peykerê xebitîm û dîsa dawiya hefteyê jî ez xebitîm."}]},{"type":"paragraph","content":[{"type":"text","marks":[{"type":"italic"}],"text":"Şikir ji Xwedê re, min duh (13.06.2026) qedand. Niha dilê min hinekî aram e. Lê ez bêdeng im û windayan difikirim. Ez Dayika Berfo bi rêzdarî bibîr tînim.\""}]},{"type":"paragraph","content":[{"type":"text","text":"Alexandros Sako li ser peykerê dibêje: "},{"type":"text","marks":[{"type":"bold"}],"text":"\"Dayika Berfo dilşikestî ye. Kesên li ser peykerê windahiyan temsîl dikin. "},{"type":"text","marks":[{"type":"italic"}],"text":"Ew dixwazin Dayika Berfo hembêz bikin û hêz û aramiyê pêdin. Dayika Berfo jî hemû windayan wekî zarokên xwe dibîne û wan hembêz dike.\""}]},{"type":"paragraph","content":[{"type":"text","marks":[{"type":"bold"}],"text":"DAYIKA BERFO KÎ YE"}]},{"type":"paragraph","content":[{"type":"text","text":"Kurê Dayika Berfo, Cemîl Kırbayır di 13ê Îlona 1980an de ji mala wan a li navçeya Göle ya Erdexanê hatiye binçavkirin. Malbatê heya îro tu agahî jê negirtiye. Dayika Berfo jiyana xwe ji bo fêrbûna çarenûsa kurê xwe da lêgerîna edaletê û bû yek ji sembolên Dayikên Şemiyê (têkoşîna dîtina kesên ku di binçavan de winda bûne). Wê, bi salan xaniyê xwe ji nû ve boyax nekiriye, ji tirsa ku \"rojekê kurê wê vegere û mala xwe nebîne.\" Dayika Berfo, di sala 2013an de di 106 saliya xwe de koça dawî kiriye."}]},{"type":"image","attrs":{"src":"https://pub-5dbeb11e76d1432da257f0a38a434685.r2.dev/uploads/1781459714804-f1d67aec-08e4-448b-8c6c-6689faf15d64.webp","alt":null,"title":null,"width":null,"height":null}},{"type":"paragraph","content":[{"type":"text","marks":[{"type":"italic"}],"text":"Dayika Berfo û wêneya kurê. Ji çalakiyek a Dayikên Şemiyê..."}]}]}